Ուշադրություն: Հոդվածը չի խրախուսում այն, ինչ գրված է: Սա հումորային, ժամանցային հոդված է: Հեղինակը պատասխանատվություն չի կրում հումորի զգացումից զուրկ, սադիստ ուսանողների համար:
Ստանդարտ մեթոդներ:
- Ճտիկով գրիչ
- Հարցրու այն մասին, ինչի մասին հենց նոր խոսում էր դասախոսը (կրկնել ամենաքիչը տասը անգամ տարբեր պահերի, ցանկալի է, որ հաջորդ հարցը կապ ունենա նաև նախորդի հետ):
- Հաճախ ընդհատի և խնդրի կրկնել:
- Զանգահարի որևէ մեկին և բարձր քննարկի ինչ-որ անկապ հարց: Օրինակ` կատուների բազմացումը:
- Անընդհատ սխալ ազգանունով դիմի դասախոսին:
- Ընտրի այնպիսի զանգ, որի սկիզբը նյարդայնացնող է (օրինակ` թունդ ռաբիզ): Խնդրի քո ընկերներից մեկին անընդհատ զանգել: Իսկ դու զանգը անջատի հինգ-վեց վայրկյան լսելուց հետո:
- Անհասկանալի հարցեր տուր` իբր բարդ փիլիսոփայական, խորը իմաստով: Օրինակ` մաթեմի դասին. «Ի°նչ եք կարծում` ինչպես կարող է այս թեորեմի ապացույցը ազդել տակավին նոր ձևավորվող երիտասարդների հոգեբանական հարթակի վրա` հաշվի առնելով նրանց արտաուսումնական բազմաբնույթ հետաքրքրությունները»: Կարող եք պայմանավորվել ընկերների հետ, որ կողքից արձագանքեն «Իսկապես շատ հետաքրքիր հարցադրում էր» տարբերակներով, իբր շատ հեշտ և հասկանալի հարց էիք տվել:
- Քթի տակ կարդալու ձայն հանի (ցանկալի է, որ նախօրոք դասախոսին մոտ նստած լինես և կարդաս հենց նրա գիրքը):
Ոչ ստանդարտ մեթոդներ
- Խնդրի դուրս գնալ: Եթե թույլ չտա, պարի լսարանում, մինչև որոշումը փոխի: Եթե թույլ տա, վերադառնալուց հետո կրկնել խնդրանքը:
- Դասին հետդ բարձ վերցրու: Իսկ ավելի լավ է` բոլորով:
- Լվացքի փոշու դատարկ տուփի մեջ դնում եք որևէ ուտելի բան (ցանկալի է սպիտակ ու մանր): Դասի ժամին հանում եք պայուսակից և ախորժակով ուտում:
- Դասի ժամին բարձր կարդա դասը կամ ռեֆերատը: Իսկ երբ քեզ կխնդրեն սուս մնալ, զարմացած հարցրու. «Դուք լսում եք իմ մտքե°րը…»
- Գրատախտակին ամեն դասից առաջ գրեք. «Քցվի մոստից, դասախո´ս…»:
- Դասին նստած, երկու ձեռքով բռնի գլուխդ ու աջից ձախ ճոճվի: Երբ հարցնեն` ինչ է պատահել, պատասխանի. «Էլի էս ձայները… »:
- Աշխատանքի վերջում ոչ թե անուն-ազգանուն գրի, այլ «Սիրով` քո Արջուկ (կամ Համովիկ)»:
- Եթե ուզում ես լսարանից դուրս գալ, վազելով մոտեցի դասախոսին, ականջին արագ ասա «ինձ գտել են… երկրից պիտի փախնեմ…» ու դուրս վազի լսարանից:
ընդանրապես դասերին մի այցելի, բայց քննաշրջանին ստացիր ամենաբարձր բալերը:
ОтветитьУдалитьjin.am